"Нефтчи" назорат ўйинида Тожикистон жамоасини мағлуб қилди

Асосий воқеалар ривожи иккинчи бўлимда содир этилди. Учрашувнинг 46-дақиқасида чап қанотдан қарши ҳужумга юқори тезликда кириб борган Иззатилла Абдуллаев тожикистонлик ҳимоячини чиройли услубда алдаб ўтиб, аниқ зарба йўллади ва ҳисобни очди 1:0. Учрашувнинг 70-дақиқасида ҳисобни янада ошириш имконияти пайдо бўлган эди. Улуғбек Хошимов қулай позицияга чиқиб, узатмани қабул қилиб олди ва дарвозабон билан бирга-бир вазиятга чиққач кучли зарба берди. Бироқ, меҳмонлар посбони маҳорат кўрсатиб, тўпни қайтаришга эришди.

Меҳмонлар ҳам дарвозамиз томон бир неча бор хавфли ҳужум уюштиришга эришиб, 80-дақиқада жарима тўпини амалга оширишди. Бу вазиятда меҳмонлардан Нозим Бобожоновнинг йўллаган кучли зарбаси дарвозамиз тўсинига тегиб қайтди. Акс ҳолда ҳисоб тенглашиши мумкин эди. 87-дақиқада фаоллик билан ҳаракатланаётган  Нозим Бобожоновнинг олис масофадан йўллаган навбатдаги кучли зарбасини бу сафар Акбар Тўраев қайтариб қолди.

Учрашувнинг охирги дақиқалари жамоаларнинг кетма-кет қарши ҳужумлари остида ўтганлигига қарамай, ҳисоб ўзгармади ва якунда жамоамиз минимал 1:0 ҳисобидаги ғалабани қўлга киритди.

"Нефтчи" - "Хўжанд" 1:0

Фарғона шаҳри. "Истиқлол" стадиони

Гол:  Иззатилла Абдуллаев 46.

"Нефтчи": 12.Владимир Назаров , 2.Зоир Жўрабоев, 7.Умар Адҳамзода, 8.Шароф Муҳитдинов, 13.Лутфулла Тўраев, 19.Мирзоҳид Ғофуров, 20.Анваржон Ғофуров, 21.Мухсинжон Убайдуллаев, 22.Георгий Никабадзе, 23.Диёржон Туропов, 24.Ғулом-Ҳайдар Гуламов

Захирадан тушганлар: 45.Акбар Тўраев, 3.Нодирхон Неъматхонов, 5.Эдуард Эмсис, 9.Улуғбек Ҳошимов, 10.Суннатилла Абдуллажонов, 11.Иззатилла Абдуллаев, 14.Раҳмонжон Рўзиев, 17.Абдуллоҳ Олимов, 26.Алексей Ларин, 28.Фозил Мусаев, 66.Дониёр Валиев, 70.Аббосжон Ғуломов, 77.Билолхон Тошмирзаев

"Хўжанд": 1.Дилшод Дадабоев, 2.Фаҳриддин Ахтамов, 3.Тони Бекатал, 23.Рамазан Наниев, 5.Фирдавс Абдусалимов, 6.Хожибой Зиёев, 8.Эҳсон Бобоев, 14.Азизбек Ҳайитов, 13.Нозим Бобожонов, 62.Жаҳонгир Эргашев, 10.Дилшод Бозоров.

Захирадан тушганлар: 76.Зуҳриддин Мўйдинов, 4.Парвиз Боқиев, 77.Муиб Саидов, 17.Ҳушнудбек Бозоров, 7.Жавоҳир Расулов, 19.Азизбек Далиев