Latest news

21:58Акмал Шораҳмедов: "Бизда ротация қийин бўляпти. "Андижон"да 10-12 нафар кучли футболчи бор"  1 21:39"Реал"дагилар Лунин нега майдондан четлатилганини тушунишмаяпти  2 20:49АПЛда бунақаси сўнгги 10 йилда биринчи марта содир бўлди  4 20:23Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди  84 19:49Инфантино ASEAN Кубогини тақдим этди  1 19:25"Бухоро" "Пахтакор"дан реванш оладими ёхуд "шалпангқулоқ" кимга насиб этади?  15 19:11Россия терма жамоаси футболчисини ўғирлаб кетмоқчи бўлишди  0 18:49Айбек Нурбаев: "Локомотив"ни мағлуб этишга кучимиз етмайди"  1 18:32Мирко Йеличич: "Жайхун"да босим йўқ, улар бемалол футбол ўйнашлари мумкин. Бизда эса вазифа футболчиларга бироз босим бермоқда"  0 18:20Халқаро майдонда фаолият олиб борувчи ўзбекистонлик мутахассислар сони ортди  0 18:09Шавкат Юсупов: "Охирги икки учрашувда максимал очко йиғишга ҳаракат қиламиз"  3 17:54Неъматулла Қуттибоев: "Суперлига йўлланмаси учун охиригача кураш олиб борамиз"  2 17:20Про лига. "ФарДУ" "Арал" билан муроса кўчасини танлади, "Локомотив" "Жайхун" дарвозасига 5 та тўп киритди  0 17:02Расман: "Ювентус" Тудорни истеъфога чиқарди  18 16:23"Сўғдиёна" сўнгги икки уй учрашувини Жиззахда ўтказмайди  3

"Нефтчи", "Навбаҳор" ва "Андижон" жамоаларида ўйнаган Санжар Асқаралиев билан интервью News

"Нефтчи", "Навбаҳор" ва "Андижон" жамоаларида ўйнаган Санжар Асқаралиев билан интервью

Сайтимиз мухбири ўтмишнинг ёрқин футболчиларидан бири Санжар Асқаралиев билан интервью ташкил этди.

Қуйида мазкур интервьюнинг тўлиқ матни билан танишишингиз мумкин.

- Салом Санжар ака! Футболчилик фаолиятингизни якунлаганингиздан сўнг қандай иш билан машғулсиз?

- Футболчилик фаолиятимни якунлаганимдан сўнг оилам билан Жанубий Кореяга кўчиб кетгандик. Ўша ерда болалар футболида мураббий бўлиб ишлаётган эдим. Ота-онамнинг талаби билан юртимизга қайтдик. Ўзбекистонга келганимдан сўнг ўзим тарбияланган "Навбаҳор-Умид футбол мактабига ишга таклиф қилишди. Айни дамда шу мактабда директор лавозимида ишлаб келмоқдаман.

- Олий лигадаги илк ўйингизни эслай оласизми?

- Албатта, бу ўйин ёдимда. Ўшанда “Навбаҳор" сафида биринчи бор Навоийнинг "Зарафшон" клубига қарши майдонга тушганман. Илк ўйинимда дастлаб ҳаяжон юқори бўлган, лекин бир оз ўтиб мослашиб кетганман.


- Расмий ўйинлардаги илк голингизни қайси жамоа дарвозасига киритгансиз?

- Илк голим жуда яхши ёдимда. Нега деганда "Навбаҳор" сафида Қаршининг "Насаф" клубига қарши ўйиннинг 1-дақиқасидаёқ гол ургандим.

- Бугунга қадар ОАВда эълон қилинган интервьюларингизда Фарғонанинг "Нефтчи" жамоаси сафидаги ўйинларингизни футболчилик фаолиятингиздаги энг ёрқин давр деб ҳисоблагансиз...

- Тўғри, "Нефтчи"даги 10 йиллик фаолиятимни ҳеч қачон унутмайман. Ўша пайтда жамоада ҳамма шароит бор эди, биздан фақат футбол ўйнаш талаб этиларди холос.

-"Нефтчи" сафидаги собиқ жамоадошларингиз билан суҳбатлашиб турасизми?

- Ҳа албатта. Ишдан чарчайсиз, баъзида асабларингиз бузилади. Шунақа пайида биринчи манзилим Фарғона бўлади. Келаман, дўстларим билан суҳбатлашмиз, ҳордиқ чиқариб қайтаман. Ўша даврдаги жамоадошларим билан билан алоқамиз ҳозирга қадар мустаҳкам сақланиб келмоқда.



-Сизнингча, ҳозирги кунда Ўзбекистонда энг кучли футболчи ким?

- Ўзбекистон чемпионатидаги оладиган бўлсак, айни дамда Жалолиддин Машарипов энг кучлиси. Ўзбекистонлик футболчилар бўйича умумий оладиган бўлсак, Одил Аҳмедов тенгсиз деб ҳисоблайман.

- Биламиз, Санжар Асқаралиев майдонда қизиққон футболчи эди. Бу характерингиз сизга панд берган вазиятлар ҳам бўлганми?

- Биласизми, майдонда юз берган воқеъликларни ўша жойнинг ўзига ташлаб чиққанман. Ўйиндан сўнг футболчилар билан дўстона муносабатни сақлаб қолганмиз. Масалан, Ғайрат Ҳасанов "Хоразм" сафида бизга қарши ўйнаганда юз берган воқеа ёдингиздами? Ўша ўйинни "Гарри" (Ғайрат Ҳасанов - таҳр.) билан кўп эслаб, кулишамиз.

- Суперлиганинг жорий мавсумида "Навбаҳор" ва "Андижон" жамоаларининг имкониятларини қандай баҳолайсиз?

- Бу икки жамоа мен учун бегона эмас. Фаолиятимнинг бир қисми "Навбаҳор" ва "Андижон"да ўтган. Жорий мавсумда "Навбаҳор"ни совриндор жамоалар қаторида кўришга умид қиламан. "Андижон” жамоаси билан юз берган воқеаларни эшитиб, ҳафа бўлдим. Насиб бўлса водий жамоалари келажакда янада кучлироқ бўлишади.


- Санжар Асқаралиевнинг майдондаги ўйинларини соғинган мухлисларга тилакларингиз...

- Биринчи навбатда мени унутишмагани учун раҳмат айтаман. Барча футбол мухлисларига мустаҳкам соғлик тилайман, севимли жамоалари ҳамиша ғалаба қозонаверсин!

Бекзод Толибов суҳбатлашди.

Rating: +12   

Comments

championat.asia
< show latest news
Яндекс.Метрика