"Нефтчи": Махсталиев билан Убайдуллаев машғулотларга қўшилди

Аввал хабар берганимиздек, Аббос Махсталиев билан Муҳсин Убайдуллаев куни-кеча жамоа лагерига етиб келди. Ўтган йили Махсталиев биринчи даврани “Пахтакор”да ўтказиб, кейинчалик “Андижон”да ижара асосида тўп сурганди. Убайдуллаев эса 2014 йили тўлиқ “шерлар” ихтиёрида бўлди.

Ҳимоя чизиғидаги рақобатни янада кучайтириш мақсадида “Бунёдкор” аъзоси Шукурали Пўлатовнинг яна “Нефтчи”га қайтариш борасида иш олиб борилмоқда. Яқин орада 25 ёшли футболчи машғулотларга кўшилиши кутилмоқда. Шунингдек декабрь ойида “Қайсар” йиғинида бўлиб қайтган Рўзимбой Аҳмедов ҳам эртага Фарғонага етиб келади. Раҳбарият билан учрашувдан сўнг ушбу ҳужумчининг тақдирига ойдинлик киритилади.