"Нефтчи" лагеридан дараклар. Илҳом Мўминжонов ўз аризасига кўра "Нефтчи"дан кетди
02 jul 2022 13:39
News

"Нефтчи" лагеридан дараклар. Илҳом Мўминжонов ўз аризасига кўра "Нефтчи"дан кетди

"Нефтчи"да ўзгаришлар бошланди.

Бизга етиб келган маълумотларга қараганда, жамоа бош мураббийи Илҳом Мўминжонов ўз аризасига кўра ишдан кетган. Ушбу мутахассис 2021 йил бошида "Нефтчи" бош мураббий этиб тайинланганди. Унинг бошқарувида фарғоналиклар ўтган мавсум Про лигада ғолиб чиқиб Суперлигага йўлланма олди.

Жорий йил элитанинг биринчи даврасидан сўнг "Нефтчи" 13та учрашувда 2та ғалаба, 5та дуранг, 6та мағлубият қайд этган ҳолда 11 очко билан 13 ўринда кетмоқда. Ўзбекистон кубогида эса ўз иштирокини гуруҳ босқичида якунлади.

"Нефтчи"га қадар Илҳом Мўминжонов "Навбаҳор" ва қисқа вақт "Сурхон" жамоасида фаолият юритганини айтиб ўтиш жоиз.