Назорат учрашуви: “Металлург” – “Динамо” – 1:1

Қизиқарли ва қарама-қарши ҳужумлар остида ўтган ўйинда дуранг натижа қайд этилди – 1:1.
 
Ҳар иккала жамоа учрашувнинг илк дақиқалариданоқ майдон марказини эгаллаш ҳаракатида бўлди. Тўпни назорат қилиш борасида устунлик пойтахт вилояти вакиллари томонида бўлса-да, ҳисобни самарқандликлар очишга эришишди. Қарши ҳужумларнинг бирини Азиз Ибрагимов муваффақиятли якунлади.
 
Бекободликлар иккинчи таймда ҳисобни тенглаштиришди. Шоҳназар Норбековнинг тезкор рейдини динамочилар ҳимоячиси ўйин қоидасини бузиш билан тўхтатди. 11 метрлик нуқтадан жарима зарбасини Дилмурод Каримов бехато амалга ошир – 1:1. мазкур ҳисоб ўйин охиригача ўзгармай қолди. “Металлург” таркибида “Бунёдкор”нинг ёшлар жамоасидан чақирилган Зафар Сафоев майдонга тушди. Ўз навбатида қисқа муддатли кўрикда бўлган Азиз Муродов эса жамоа қароргоҳини тарк этди. Мавсум бошлангунга қадар бекободликлар олий лига жамоалари билан яна иккита назорат учрашуви ўтказишни режалаштирган.
 
“Динамо”га қарши “Металлург” бош мураббийи Рустам Мирсодиқов қуйидаги таркибнги майдонга туширди: Зафар Сафоев (Суҳроб Султонов), Мирғиёс Сулаймонов, Ҳикмат Ҳошимов, Жавлон Мирабдуллаев, Даврон Каримқулов (Александр Ковалев), Дониёр Одилов (Саид Абдужабборов), Дилмурод Каримов, Алишер Зиёвуддинов (Миртўра Акбаров), Руслан Вагапов (Шоҳназар Норбеков), Сардор Расулов, Зоҳид Абдуллаев (Шаҳзодбек Нурматов).