"Навбаҳор"дан кетган руминиялик мутахассис "Бунёдкор"га қайтди

Жамоа раҳбарияти Августин Чирита билан 2 йиллик шартнома имзолаган. У "Бунёдкор" футболчиларининг жисмоний ҳолатига жавобгар бўлади. 

Маълумот учун, Чирита 1975 йил, 10 октябрда Руминиянинг Слатина шаҳрида туғилган. Футболчилик фаолияти давомида Руминия, Украина ва Исроил клубларида тўп тепган. Мураббийлик фаолиятини Руминиянинг "Олт" клубида бошлаган. Унга "Бунёдкор" бегона эмас. Чирита аввалроқ Сергей Лушчан ва Миржалол қосимовга кўмаклашган эди (2015-2018).  У, шунингдек, "Сўғдиёна" ва "Бухоро" жамоалари, бундан ташқари, Ўзбекистон миллий терма жамоасида жисмоний тайёргарлик бўйича мураббий сифатида фаолият олиб борган. 47 ёшли мутахассиснинг сўнгги клуби "Навбаҳор" бўлган эди.

Эслатиб ўтамиз, декабрь ойининг охирида Наманган жамоаси футболчиларнинг жисмоний ҳолати билан шуғулланиш учун сербиялик Александр Стоймирович билан шартнома тузганди.