"Навбаҳор": Ёшларимиз “Марказий”да ўйнашади

Футболчиларимиз Тошкентнинг “Бунёдкор” клубини қабул қилишади. 26 август куни “Навбаҳор” ўйингоҳида бўлиб ўтадиган ўйин соат 17.00да бошланади. Бугун эса Мустафо Байрамов бошчилигидаги ёшларимиз эса “қалдирғочлар” билан баҳс олиб боришади. Ёшларимиз шу пайтга қадар бўлиб ўтган учрашувларни Тўрақўрғондаги “Ёшлик” ўйингоҳида ўтказиб келишаётганди. Ёш “қалдирғочлар”га қарши ўйин бугун соат 17.00да Наманган шаҳридаги “Марказий” ўйингоҳда ўтказиладиган бўлди. Мухлисларимизни ёшлар биринчилигидан ўрин олган учрашувга ҳам таклиф қиламиз.