Latest news

22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  1 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  49 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  65 20:16Тер Штеген "Барселона"да қолмоқчи  0 19:58Бобир Абдихолиқов "Келажак бунёдкори" медали билан мукофотланди  7 19:35"Милан" "Торино" футболчисини сотиб олади  1 18:51Клопп клублар ўртасидаги ЖЧ форматини жиддий танқид қилди  6 18:32Хаби Алонсо "Ювентус"га қарши ўйин ҳақида: "Уларнинг "Манчестер Сити"га қарши ўйини ҳеч нимани англатмайди"  2 17:45"Милан" 3 футболчини сотиб олмади ва жамоасига қайтариб юборди  0 17:20"Штутгарт" футболчисини 100 млн еврога баҳоламоқда, "Бавария" эса 50 миллионга  0 16:51"Пахтакор" Қаршида сўнгги дақиқаларда иккита гол уриб, мағлубиятдан қутулиб қолган учрашувдан ГАЛЕРЕЯ  4 16:23"Барселона" Месси, Коутиньо, Куман олдидаги қарзларини ёпди  14 15:52"WhoScored" клублар ўртасидаги жаҳон чемпионатининг гуруҳ босқичи рамзий термасини тақдим қилди  18 15:15Факт: "Нефтчи" 17 йилдан буён меҳмонда "Қизилқум"ни юта олмаяпти  3

«Навбаҳор», «Сўғдиёна», «Нефтчи» янги футболчиларни рўйхатдан ўтказа олмайди. Уларга сўнгги муддат берилди News

«Навбаҳор», «Сўғдиёна», «Нефтчи» янги футболчиларни рўйхатдан ўтказа олмайди. Уларга сўнгги муддат берилди

2024 йил 17 январь куни Ўзбекистон футбол ассоциацияси Футболчилар мақоми ва ўтиши бўйича қўмитасининг навбатдаги йиғилиши бўлиб ўтди.

Кун тартибидан Ўзбекистон футбол ассоциацияси Футболчиларнинг мақоми ва ўтиши бўйича қўмитасининг 2023 йил 15 декабрдаги 12-03-сонли йиғилиш баёни ижросига бағишланган масалалар ўрин олди. Ўзбекистон футбол ассоциацияси ва Ўзбекистон Профессионал футбол лигаси ташаббуси билан футбол клубларини футболчилар, мураббийлар ва бошқалар олдидаги қарздорлигини бартараф этилишини таъминлаш, бу борада футбол клубларига муддат белгилаш масалалари Футболчиларнинг мақоми ва ўтиши бўйича қўмитасининг 2023 йил 15 декабрь кунидаги йиғилишида кўриб чиқилган эди.

ЎФА Қўмитаси йиғилиши баёнига мувофиқ янги мавсум лицензиялаш жараёни 2024 йил январь ойидан бошланиши, Лицензиялаш регламентининг Ф.04-бандига асосан футбол клуби ўзининг жорий ва собиқ футболчилари ҳамда мураббийлари олдидаги қарздорликни ўз вақтида бартараф этиши, шунингдек қарздорлик мавжуд эмаслиги тўғрисидаги декларацияни Лицензия берувчи органга тақдим этиши лозимлиги, шу билан бирга, Ўзбекистон футбол ассоциациясига 2023 йилги мавсум якунлангандан сўнг футбол клубларининг футболчилар, мураббийлар ва бошқалар олдидаги қарздорлиги бўйича мурожаатлар келиб тушиши кўпайгани сабабли футбол клубларининг футболчилар, мураббийлар ва бошқалар олдидаги қарздорлигини 2024 йил 10 январга қадар тўлиқ бартараф этиши, мазкур муддатга қадар қарздорликлар тўлиқ бартараф этилмаган тақдирда футбол клубларига нисбатан қатъий интизом чоралари қўлланиши тўғрисида огоҳлантириш берилган.

Ўтган давр оралиғида баъзи футбол клублари ўз қарздорликларини бартараф этган бўлсада, айрим клублар Қўмита қарори ижросини таъминлашда сусткашликка йўл қўйгани ҳамда қарздорликлар белгиланган муддатларда тўланмаганлиги маълум бўлди. Жумладан, «Пахтакор», «Бунёдкор», ОКМК, «Металлург», «Қизилқум», «Насаф», «Сурхон», «Андижон», «Локомотив», «Динамо плюс», «Машъал», «Хоразм», «Шўртан», «Қўқон-1912», «Арал» футбол клублари футболчи, мураббий ва бошқалар олдидаги тўловларни барқарор равишда тўлаб келаётганлиги аниқланди. Бироқ «Сўғдиёна», «Нефтчи», «Навбаҳор лочинлари», «Бухоро», «Турон», «Униред Редбридге», «Ғиждувон» «Зомин бўрилари», «Ангрен Пахтакор-79» футбол клубларида қарздорлик мавжудлиги, қарздорликни белгиланган муддатда бартараф этилмаганлиги қайд этилди.

Маълумки, Ўзбекистон футбол ассоциацияси Футболчиларнинг мақоми ва трансфери бўйича регламентининг 12-моддаси 1-бандида клуб футболчилар ва бошқа клублар олдидаги, шунингдек, профессионал футболчилар билан имзоланган шартномалар ва трансфер келишувларида кўрсатилган шартларга мувофиқ, ўз молиявий мажбуриятларига риоя қилиши лозимлиги, 2-бандида эса шартнома бўйича тўловларни асоссиз равишда 30 календарь кунидан ортиқ муддат давомида кечиктираётган клубга шу модданинг 4-бандида санаб ўтилган санкциялар қўлланилиши мумкинлиги келтириб ўтилган.

Юқоридаги ҳолатларни инобатга олган ҳолда, ЎФА Футболчилар мақоми ва ўтиши бўйича қўмитасининг қарорига асосан белгиланган муддатда қарздорликни бартараф этмагани, шунингдек белгиланган талабларга беписанд муносабатда бўлиб келганлиги сабабли, ЎФА Қўмитаси томонидан Футболчилар мақоми ва трансфери бўйича регламентининг 12-моддаси 4-бандига асосан «Навбаҳор лочинлари», «Янгиер-қурувчи», «Зомин бўрилари», «Ангрен Пахтакор-79» футбол клубларида қишки ва ёзги трансфер ойнаси вақтида футболчиларни рўйхатдан ўтказишга тақиқ мавжудлигини инобатга олиб, уларга нисбатан жарима интизом жазоси тайинланди.

Шунингдек, Футболчилар мақоми ва ўтиши бўйича қўмитаси белгиланган муддатда қарздорликни бартараф этмагани учун Футболчилар мақоми ва трансфери бўйича регламентининг 12-моддаси 4-бандига мувофиқ «Сўғдиёна», «Нефтчи», «Бухоро», «Турон», «Униред Редбридге», «Ғиждувон» футбол клубларига нисбатан янги футболчиларни қишки ва ёзги трансфер ойнаси вақтида Ўзбекистон Профессионал футбол лигасидан рўйхатдан ўтказишга тақиқ қўйилганлиги белгилаб ўтилди.

ЎФА Футболчилар мақоми ва ўтиши бўйича қўмитасининг мазкур қарорида келтирилган мавжуд қарздорликлар клублар томонидан қишки трансфер ойнаси якунига қадар тўлиқ бартараф этилган тақдирда янги футболчиларни Лигадан рўйхатдан ўтказишга рухсат этилиши маълум қилинади.

Юқорида кўзда тутилган спорт ва молиявий санкцияларни қўлланишидан кўзланган асосий мақсад, аввало ЎФАнинг тегишли қўмитаси қарорлари бўйича футбол клубларини ижро интизомига амал қилишга чақириш, футболнинг яхлитлиги сақлаш, клублар ва футболчилар ўртасидаги шартномавий барқарорликни ўрнатиш, клублар томонидан ФИФА, ОФК ва ЎФА Регламентлари талабларига қатъий риоя қилинишини таъминлашдан иборат.

Rating: +5   

Comments

championat.asia
< show latest news
Яндекс.Метрика