Latest news

13:48Нико Уильямсга даъвогарлар аниқланди  1 13:21U21 биринчилиги. "Қўқон-1912"дан 5та, "Сўғдиёна"дан 6та гол ва бошқа натижалар (ТУРНИР ЖАДВАЛИ)  1 12:58Хамес Родригес Зидан, Хави ва Модричдан яхшироқ эканини айтди  9 12:34Холанд "Манчестер Сити"дан кетмоқчи, нега?  4 12:05Триппьер "Ньюкасл"га қайтиши ҳақида: "Пул футболда барчасини ҳал қилмайди"  1 11:45Тезкор хабар. Ҳожимат Эркинов Ўзбекистон миллий терма жамоасига чақирилди   18 11:45ОКМК - "Пахтакор" ўйинида пенальти белгиланиши керакмиди? Суперлиганинг 2-туридаги ҳакамлик фаолияти таҳлили  2 11:28"Манчестер Юнайтед" ПСЖнинг собиқ ҳужумчисини сотиб олмоқчи  1 11:05ЖЧ саралаш олдидан. БАА отни қамчилаган кўринади  43 10:42Виржил ван Дейк фаолиятини Европанинг ТОП клубида давом эттириши мумкин  3 10:25ЖЧ-2026 саралаши. Агар БАА билан очколар тенг бўлиб қолса, нима бўлади?  46 10:00Мирзад Механович: «Андижонлик мухлислар Ўзбекистонда биринчи рақамли эканлигини эшитгандим, бунга ўзим гувоҳ бўлдим»  0 09:28«Барселона» асосий ҳимоячиси билан шартномани узайтирди  0 08:50Бугун Transfermarkt АПЛ футболчиларнинг янгиланган нархларини эълон қилади. Сизнингча, Ҳусановнинг нархи қанча бўлади?  25 08:15Лионель Месси: «Афсусдаман»  4

"Навбаҳор" собиқ дарвозабони, Россия юлдузлари ёхуд "Андижон" бугунги рақиблари ҳақида News

"Навбаҳор" собиқ дарвозабони, Россия юлдузлари ёхуд "Андижон" бугунги рақиблари ҳақида

“Андижон” бугун Анталиядаги йиғини доирасидаги сўнгги назорат учрашувларини ўтказади.

Бу сафар ҳам "бургутлар" олдингидек бир кунда иккита ўйинда майдонга тушади. 

Дастлаб Россия биринчи дивизион қатнашчиси Москванинг “Родина” клуби спарринг-рақиб вазифасини бажарса, куннинг иккинчи ярмида Молдаванинг “Петрокуб” жамоасига қарши майдонга тушишади.

Дастлаб “Родина”га тўхталадиган бўлсак, бу клуб Россия биринчи дивизионида 12-ўринни эгаллаб турибди. Эътиборлиси, “Родина” ва “Родина-2” жамоалари биргаликда Туркияга келишган.

6 февралдан Анталиядаги йиғинини бошлаган “Родина” шу пайтгача учта назорат ўйинида қатнашди. Дастлаб 9 февраль кунининг биринчи ярмида “Родина-2” “Борац” жамоаси билан 1:1 ўйнади. Тушликдан сўнг “Родина”нинг асосий жамоаси “Чайка”га қарши майдонга тушди ва 1:2 ҳисобида имкониятни бой берди. Эртасига, 10 февралда “Родина” яна ўртоқлик учрашувини ўтказди. Бу сафар “Бунёдкор” рақиб бўлди ва унда россияликлар ягона гол эвазига ғалаба қозонди.

“Родина” клубини мухлисларга яхши таниш бўлган Дмитрий Парфёнов бошқаряпти. 48 ёшли мутахассис ўтган йилнинг ёзидан ушбу клубда бош мураббий сифатида фаолият кўрсатмоқда. Ундан олдин “Арсенал” Тула, “Урал”, “Тосно”, “Текстильшик” ва Россия U-18 терма жамоасида фаолият олиб борган. Зукко ишқибозлар уни айниқса “Спартак”даги ўйинлари орқали яхши эслаб қолишган. 

Умуман олганда, “Родина” клубининг мураббийлар штаби собиқ футбол юлдузлари билан жамланган десак, муболаға бўлмаса керак. Масалан, Парфёновни ёрдамчиларидан бири Юрий Ковтун бўлиб, уни ҳам ишқибозлар “Спартак” ва Россия терма жамоасидаги ўйинлари орқали яхши билишади. Бу икки тандем футболчи сифатида “қизил-оқлар” сафида тўп суришган ҳамда мураббийликда ҳам бирга ишлаб келишмоқда. 

Бундан ташқари, россиялик яна бир собиқ футбол юлдузи Владимир Бесчастних ҳам “Родина” да меҳнат қиляпти. У клубда ҳужумчилар билан ишлайдиган махсус мураббий сифатида қайд этилган. Чунки Бесчастних футболчилик фаолиятида таниқли ҳужумчилардан бири бўлганди. Хуллас, “Родина”ни сиз яхши билган россиялик собиқ юлдузлар бошқариб бормоқдалар.

“Андижон”нинг охирги рақиби Молдованинг “Петрокуб” жамоасидир. Мамлакат Суперлигасида айни пайтда мусобақа жадвалида “Шериф”дан сўнг 2-ўринни эгаллаб турибди. 2019 йилда Молдова Кубогини қўлга киритган. Европа Лигаси саралаш баҳслари қатнашчиси. Суперлигада 2015 йилдан буён иштирок этиб келмоқда. 

Ушбу клубга 56 ёшли Иван Табанов бош мураббийлик қиляпти. Унинг мураббийлар штабида ўзбекистонлик мухлисларга таниш бўлган Денис Романенко фаолият олиб бормоқда. Ёдингизда бўлса, у ўз вақтида юртимизда “Динамо” ва “Навбаҳор” дарвозаларини қўриқлаган. Айниқса, наманганликлар сафидаги фаолияти орқали кўпчиликка танилганди. Ҳозирда Романенко “Петрокуб”да дарвозабонлар мураббийи сифатида ишлаб келмоқда. Орада Молдова терма жамоасининг дарвозабонлар мураббийи бўлиб ҳам фаолият кўрсатган. 

Дарвоқе, “Петрокуб” таркибида Руминия, Россия, Укрина ва Ирландиядан келган легионерлар бор.

Эслатиб ўтамиз, “Андижон” – “Родина” беллашуви Туркия вақти билан 11:00 (Тошкент вақти биалан 13:00) да бошланса, “Петрокуб”га қарши учрашув маҳаллий вақт билан 17:00 (Тошкент вақтига 19:00) га белгиланган.

Rating: +2   

Comments

championat.asia
< show latest news
Яндекс.Метрика