"Навбаҳор" "Пахтакор" ходимасига эҳтиром кўрсатди

Эътиборли жиҳати, у Тошкентнинг "Пахтакор" клуби юристи ҳисобланади. Маълум бўлишича, айни пайтда Ангелина фаолият юритадиган "THEMIS LEGAL sport law firm" "лочинлар"нинг яқин ҳамкори экан.

Сўнгги йилларда "Навбаҳор" ва "Пахтакор" клублари ўртасидаги принципиаллик ниҳоятда ошганини биласиз. Бу жамоалар ўртасидаги учрашувларга эътибор қаратсангиз, уларнинг деярли барчасида турли хил низолар юзага келмоқда (майдон ичи ёки ташқарисида). Наманганликлар матбуот хизматининг ушбу ҳаракати ҳар 2 жамоа мухлисларига ҳам ўрнак бўлиши мумкин. Балки, энди улар кураш фақат майдоннинг ичида бўлиши, футбол мухлислар ундан завқ олиши учун ўйналишини тушуниб етишар...

Бугунги "пост"дан "Пахтакор" матбуот хизмати ҳам илҳомланиб, Самвел Бабаян, Даврон Ҳошимов ёки Шоҳрух Маҳмудхожиевлар манзилига табрик йўллашни бошлаб юборса, ёмон бўлармиди? Ана, дўстлик ва муҳаббат:)

Ангелина Ливерконинг инстаграм саҳифаси

Бевосита у фаолият юритадиган фирмага тўхталсак, "THEMIS LEGAL sport law firm" — клублар, футболчилар ва уларнинг агентлари, федерациялар, ЎФА билан ҳамкорлик қилади, спорт ҳуқуқи соҳасида етарли тажрибага эга.