"Навбаҳор": Музокаралар давом этмоқда

Кеча ҳам футболчилар икки маҳаллик машғулотларда қатнашишди. Дастлаб, худди кечагидек эрталаб “Бунёдкор” клуби академиясида шуғулланилган бўлса, куннинг иккинчи ярмидаги машғулот “Пахтакор” футбол клубига қарашли футбол мактабида олиб борилди. Таркибга янги ўйинчилар қўшилганича йўқ. Шундай бўлсада, таркибдаги рақобатни ошириш борасида селекция ишлари тўхтатилганича йўқ. Айни пайтда бир қатор футболчилар билан музокаралар олиб борилмоқда. Микола Шевченкони жамоада ишласлиги маълум бўлгач, мураббийлар штабига тажрибали мутахассисни қўшиш борасида ҳам музокаралар давом этмоқда. Барча масалаларга ойдинлик киритилгач, сайтимиз орқали маълумот берамиз.