"Навбаҳор" - "Локомотив" учрашувидан олдин стадионда Рустам Ғоипов куйлайди
04 mar 2020 12:53
News

"Навбаҳор" - "Локомотив" учрашувидан олдин стадионда Рустам Ғоипов куйлайди

Суперлига 2-тури доирасидан ўрин олган баҳсда Наманганнинг “Навбаҳор” жамоаси ўз майдонида Тошкентнинг “Локомотив” клубини қабул қилади.

Мазкур ўйин 6 март куни соат 18:15да Наманган шаҳридаги “Марказий” ўйингоҳда бошланади.

Ушбу учрашув “Навбаҳор”нинг жорий мавсумдаги ўз майдонидаги илк учрашуви бўлганлиги боис, ўйиндан олдин янги мавсумнинг очилиш маросими бўлиб ўтади. Клуб раҳбарияти мазкур очилиш маросимини юқори савияда ўтказишни режалаштирган. Унда наманганлик таниқли хонандалар билан бирга машҳур қўшиқчи Рустам Ғоипов ҳам меҳмон сифатида ташриф буюриб, ўзининг дилрабо куй-қўшиқларини мухлисларга тақдим этади.

XXIX мавсумнинг очилиш маросими “Марказий” ўйингоҳда 6 март куни, соат 17:00да бошланади.

“Навбаҳор” ПФК матбуот хизмати.