"Навбаҳор": Лепосавич сафга қўшилди
25 jan 2015 15:06
News

"Навбаҳор": Лепосавич сафга қўшилди

Аввал хабар берганимиздек, жамоамизга таклиф этилган сербиялик ҳужумчи Александар Лепосавич бугун тунда Тошкентга етиб келди.

Футболчи айни пайтда жамоа сафига қўшилишга улгурди. Лепосавич бироздан сўнг бошланадиган машғулотда илк бора "Навбаҳор" сафида иштирок этади.

Кеча "Олмалиқ" билан назорат ўйини ўтказилганлиги сабабли куннинг биринчи ярмида футболчилар енгил югуриш билан саунада чарчоқ аломатларини чиқаришди. Тушликдан сўнг эса мамлакатимизнинг таниқли ҳакамларидан бири Владислав Цейтлин жамоа аъзоларига футбол қоидалари ва унга киритлган ўзгаришлар бўйича ўқув семинари ўтказди.

Миллий терма жамоамиз билан биргаликда Осиё кубогида иштирок этган бош мураббий Бахтиёр Ашурматов ҳам кеча Тошкентга қайтиб келганди. Бугундан Ашурматов бошқарувни яна ўз қўлига олди.

Link :

Source : pfcnavbahor.uz

Receive latest football news directly on your phone. Subscribe for our Telegram channel!

Rating: