"Навбаҳор" икки футболчисини водийнинг икки клубига ижарага берди
24 feb 2022 10:41
News

"Навбаҳор" икки футболчисини водийнинг икки клубига ижарага берди

Янги мавсумга жиддий мақсадлар билан тайёргарлик кўраётган “Навбаҳор” ПФК айрим футболчиларнинг ўйин амалиётисиз қолиб кетмасликларини таъминлаш мақсадида уларни бошқа жамоаларга ижарага бермоқда.

Хусусан, ярим ҳимоячи Сардор Теляков 2022 йилги мавсумни ижара асосида Яйпаннинг “Турон” жамоаси сафида ўтказадиган бўлди. Шунингдек, Аббос Ғуломов “Нефтчи”га ижарага берилди. Демак, ушбу футболчи мавсумни Фарғона жамоасида ўтказади.

Маълумот учун: Сардор Теляков Суперлиганинг 2021 йилги мавсумида 19 ўйинда майдонга тушиб, 1201 дақиқа ўйнади ва рақиблар дарвозасини 2 бор ишғол қилди. Аббос Ғуломов эса 22 ўйинда 1202 дақиқа тўп тепиб, 1 та гол муаллифига айланди.