“Навбаҳор” директори Бахтиёр Нурматов: “Стадионга 20 минг одам кирди дегани, шунча чипта сотилди дегани эмас”

Хўш, клуб мухлислар ташрифидан қанча маблағ олади, у нималарга сарфланади? Бу ҳақида клуб директори Бахтиёр Нурматов “Тезкор Студия”да жавоб бериб ўтди.

“Битта ўйиндаги мухлислар ташрифидан олинган даромад ҳақида ҳамма ҳар хил фикрлайди. Кимдир 50 миллион, 100 миллион дейди. Аслида 20 минг мухлис кирди дегани, шунча чипта сотилди деган маънони англатмайди.

Шундай клублар борки, ишқибозларни стадионга келиши учун маълум бир турдаги шароитларни яратиб беради. Баъзи жамоаларнинг мухлислари эса ўзи стадионга талпинади ва ҳар қанча бўлсам ҳам чипта сотиб олиб киради.

Тўғри, “Навбаҳор” жамоаси мухлисларга қаттиқ боғланган. Клуб улар орқали маълум даражада даромад топиши аниқ. Лекин, охирги бир йил ичида бу ҳам ортга кета бошлади. Коронавирус ва пандемия бизга қаттиқ таъсир қилди. “Навбаҳор” мухлисларни жалб қилиш учун ижтимоий тармоқларда кўпроқ саҳифаларни очдик. Футболчилар, клуб ва ички муҳит ҳақида уларга кўпроқ маълумот бердик. Хайрия акцияларини ташкил қилдик.

Мухлисларнинг пулига ПФЛ кўз тиккан нарса нотўғри. Бизни стадион ва давлат унитар корхонаси билан шартномамиз бор. Марказий стадион бизнинг клубга қарашли эмас. Роппа-роса 50 фоизини давлат унитар корхонасига ўтказиб берамиз. Қолган қисмини комунал хизматларга тўлаб берамиз”,- дейди "Навбаҳор" клуби директори.

Кечаги "Тезкор студия"ни қуйида томоша қилиш мумкин: