"Навбаҳор": Аккредитация жараёни 15 февралдан бошланади

Хужжатларни қабул қилиш 15 февралдан 25 февралга қадар давом этади. Шу вақт оралиғида Наманган вилоятида фаолият юритадиган ОАВ вакиллари “Навбаҳор” футбол клубига мурожаат қилишлари мумкин.

Аккредитациядан ўтиш учун ОАВ вакилларидан қуйидаги хужжатлар талаб қилинади.

1. ОАВ номидан “Навбаҳор” футбол клуби номига ёзиладиган алоқа хати (алоқа хатида аккредитация хужжати бериладиган ҳар бир ходимнинг тўлиқ исми шарифи, лавозими кўрсатилиши лозим);
2. Аккредитация оладиган ходимнинг фуқаролик паспорти нусхаси икки дона 3х4 хажмдаги фотосурат.

Эслатма: Учрашувлар ва бошқа тадбирлар пайтида журналистларга ОАВлар томонидан тақдим этиладиган гувоҳномалар билан кириш ҳуқуқи берилмайди. ОАВ вакиллари ўйингоҳга ПФЛ томонидан тасдиқланган ҳамда ПФЛ ва “Навбаҳор” футбол клуби томонидан бериладиган аккредитация хужжати билан кириш имконига эга бўлишади.

ОАВ вакиллари саволлар юзасидан "Навбаҳор" футбол клубига мурожаат қилишлари мумкин.