Latest news

10:40Европанинг ТОП клуби Кевин Де Брюйнега қизиқиш билдирмоқда  0 09:30Sofascore. Москва дербисида Файзуллаев қандай баҳо олди?  2 08:58«Реал»нинг «Арсенал»га қарши баҳс учун қайдномаси эълон қилинди  6 08:23Клаудио Раньери кечаги учрашувдан сўнг нималар деди?  4 07:53Sofascore. Кечаги учрашувда қаҳрамонга айланган Шомуродов неча баҳога лойиқ кўрилди?  4 07:25Элдор Шомуродов кечаги учрашувдан сўнг нималар деди?  6 02:48Вадим Абрамов: "Станоевич бошқа позицияда ўйнамоқда. Ҳимоядаги муаммоларимиз туфайли шундай ўйнашга мажбур бўляпмиз"  3 01:39А Серия. Шомуродов "Ювентус"га қарши ўйинда захирадан тушиб, гол урган ҳолда "Рома"ни мағлубиятдан қутқариб қолди!  40 01:30Миржалол Қосимов: "Ҳар бир зарба голга айланганида, мухлислар стадионга келмай қўярди. Ўз вақтида мен ҳам уч ёки беш дақиқагина ўйнаганман"  2 00:45Кьеза "Ливерпул"ни А Сериянинг топ клубига алмаштириши мумкин  2 00:11Расман: Ўзбекистон ўсмирлар терма жамоаси – Жаҳон чемпионатида  18 23:30РПЛ. ЦСКА Москва дербисида "Динамо"ни мағлуб этди, Файзуллаев 66 дақиқа ўйнади  57 23:21Ислом Исмоилов: "Хитой ютишимиз керак бўлган жамоалардан бири эди"  4 23:00U-17 Осиё кубоги. Хитой – Ўзбекистон 1:2  7 22:45Суперлига. "Тошкентли боллар" Жиззахда ютқазишди. "Андижон"да ғалаба, ОКМКда эса дуранг  8

"Навбаҳор" 4-ўрин соҳибига айланган Осиё кубок эгалари кубогини ёдга оламиз News

"Навбаҳор" 4-ўрин соҳибига айланган Осиё кубок эгалари кубогини ёдга оламиз

1999/2000 йилги мавсум Ўзбекистон шарафини Наманганинг "Навбаҳор" клуби ҳимоя қилган.

Осиё кубок эгалари кубоги Осиё футбол конфедерацияси (ОФК) томонидан ташкил этилиб, 1990 йилдан 2002 йилга қадар ўтказилган ва унда ўз мамлакатида кубогини қўлга киритган клублар иштирок этишган. 

Ўзбекистон клублари ичида ушбу турнирдаги энг яхши натижани Наманганнинг "Навбаҳор" клуби қўлга киритган бўлиб, "лочинлар" 1999/2000 йилги мавсум тўртинчи ўринни эгаллаган. Ҳозирда Осиё Чемпионлар лигаси нимчорак финалида иштирок этаётган клубнинг нарихий натижасини ёдга оламиз.

1998 йил Ўзбекистон кубогини қўлга киритган "Навбаҳор" келгуси йил мусобақада мамлакат шарафини ҳимоя қилди. 22 жамоа ғарбий ва шарқин зонага бўлинган ҳолда кураш олиб борган турнирни наманганликлар иккинчи босқичдан бошлади. 

Биринчи босқич ғарбий минатақада икки ўйин натижасига кўра қуйидаги ҳисоблар қайд этилди:

"Истиқлол" (Эрон) 15:0 "Ҳоменмен" (Ливан)

"Ал Араби" (Кувайт) -/+ "Ал Завра" (Ироқ)

"Ал Иттиҳод" (Яман) 1:4 "Ал Райян" (Қатар)

"Ал Жаиш" (Сурия) 2*:2 "Ал Айн" (БАА)

"Қайсар" (Қозоғистон) 3:3 (п. 4:3) "Хўжанд" (Тожикистон) (Мазкур баҳсни ўзбекистонлик ҳакам Рашид Айтеков бошқариб борган).

"Ал Аҳли", "Ал Иттиҳод" (иккаласи ҳам Саудия Арабистони), "Навбаҳор" (Ўзбекистон) кейинги босқичдан иштирок этиш ҳуқуқини қўлга киритди.

*Меҳмонда урилган голлар эвазига "Ал Жаиш" кейинги босқичга йўл олди.

Иккинчи босқичда Қозоғистоннинг "Қайсар" клуби билан тўқнаш келган "Навбаҳор" дастлабки учрашувда 2:2 ҳисобида дуранг ўйнади. Жавоб ўйинида эса 1:0 ҳисобида устун келди.

"Қайсар" 2:2 "Навбаҳор"
19.11.1999. Қизилўрда, Г.Муратбаев номидаги стадион. 1 500 томошабни.
Ҳакам: Майкл Эндрюс (Ҳиндистон)

Голлар: Сарсенов, 37 (1:0), Х.Каримов, 39 (1:1), Кицак, 51 (2:1), Р.Дўрмонов, 57 (2:2)

"Навбаҳор" 1:0 "Қайсар"
3.12.1999. Наманган, "Марказий" стадиони. 15 000 томошабин.
Ҳакам: Жассим Ал Хори (Қатар)

Гол: Р.Дўрмонов, 79 (1:0) 

Шунингдек, ғарбий минтақада икки ўйин натижасига кўра "Ал Иттиҳод" "Истиқлол"ни 2:1, "Ал Завра" "Ал Райян"ни 5:4, "Ал Аҳли" "Ал Жаиш"ни 3:0 ҳисобларида мағлуби этди.

Чорак финалда эса "Навбаҳор" Саудия Арабистонининг "Ал Аҳли" клуби билан тўқнаш келган. Илк ўйинда араблар 6:1 ҳисобида устун келган, жавоб учрашуви 2:0 ҳисобида Виктор Жалилов шогирдлари фойдасига ҳал бўлган. Икки ўйин натижасига кўра устунлик "Ал Аҳли"да бўлса ҳам, баъзи сабабларга кўра, Саудия Арабистони футбол федерацияси ОФКга хат йўллаб, мамлакат жамоасининг турнирда қатнашмаслигини маълум қилди ва узр сўради, бунга турнирга мезбонлик қилиш ҳуқуқи билан боғлиқ муаммолар ҳам сабаблар бўлган.  Кейинчалик клуб бир йилга ОФК турнирларидан четлатилди.

ВИДЕО

"Навбаҳор" эса араблар ўрнига ярим финалга йўл олди. Ҳал қилувчи босқич Таиландда ўтказилган. 

Шунингдек, "Ал Иттиҳод" "Ал Завра"га икки баҳсда 1:2 ҳисобида ютқазган. Шарқий минтақадан эса Япониянинг "Шимизу" ва Таиланднинг "Бангкок" клублари ярим финалга йўл олган.

Бир ўйиндан иборат ярим финалда "Навбаҳор" Ироқнинг "Ал Завра" клуби билан беллашган. Учрашувнинг 36-дақиқасида Шерзод Назаров наманганликларни ҳисобда олдинга олиб чиққан. Аҳмад Саби 45-дақиқада мувозанатни тиклаган. Ўйиннинг асосий вақти дуранг билан якунланган. 102-дақиқада эса ироқликлар ғалаба тўпини киритишган. 


Иккинчи тўқнашувда "Шимизу" пенальтилар сериясида "Бангкок"ни мағлуб этди.

Учинчи ўрин учун беллашувда "лочинлар" Таиланднинг "Бангкок" клубига 1:3 ҳисобида имкониятни бой бериб қўйди. Наманганликлар сафида ягона голни Шуҳрат Мирхолдиршоев урган.

Финалда "Шимизу" "Ал Завра"ни 1:0 ҳисобида мағлуб этиб, мусобақа ғолибига айланди.



Оқил Абдубарноев тайёрлади.

Rating: +10   

Comments

championat.asia
< show latest news
Яндекс.Метрика