Насимов янги клубида Виллиам, Рауль ва Лука билан бирга ўйнайди
23 feb 2017 15:40
News

Насимов янги клубида Виллиам, Рауль ва Лука билан бирга ўйнайди

Ўзбекистонлик ҳужумчи Баҳодир Насимов Жанубий Корея биринчи лигасида иштирок этувчи "Ансан Гринерс" клуби билан шартнома тузганди.

Куни кеча клуб янги мавсум учун футболчилар рўйхатини тақдим этди. Унга кўра Баҳодир Насимов янги жамоаси сафида 10-рақамда ўйнайди.

"Ансан Гринерс" сафида жами 4 нафар легионер рўйхатдан ўтказилди. Насимовдан ташқари бразилиялик Виллиам Энрике, уругвайлик Рауль Таррагона ҳамда черногориялик Лука Роткович каби футболчилар бу мавсум ушбу жамоа сафида ўйнашади.