"Насаф" харажатлар сметаси 61 млрд сўм эмаслигини эълон қилди
04 oct 2022 22:44
News

"Насаф" харажатлар сметаси 61 млрд сўм эмаслигини эълон қилди

Tags : "Насаф"Фахриддин Рўзиев 61 млрд сўм харажатлар сметаси

Клуб бир неча соат аввал Championat.asia журналисти Фахриддин Рўзиев эълон қилган мақола бўйича раддия берди.

Қаршининг "Насаф" клуби бир неча соат аввал сайтимизда эълон қилинган мақола бўйича раддия билдирди. Баёнотда "Насаф" клуби ўзининг харажатлар сметаси 61 млрд сўм эмаслиги маълум қилган. Шу билан бирга, баёнотда клубнинг харажатлар сметаси айнан қанча миқдорда эканлигига ҳам ойдинлик киритилмаган.

"Хабарингиз бор, бироз аввал Championat.asia сайтида “Ўзбекистоннинг энг бой клубини биласизми?”сарлавҳаси остида Ўзбекистоннинг энг молиявий барқарор жамоалар учлиги келтирилган ва “Насаф” жамоасининг 2022-йилдаги харажатлар сметаси 61 миллиард сўм деб кўрсатилган.
Муаллиф бу рақамларни қаердан олгани бизга қоронғи. Лекин “Насаф” футбол клубининг йиллик харажатлар сметаси юқорида келтирилган рақамларга мутлақо мос келмайди. Муаллифдан ишончсиз манбаларга асосланиб, футбол жамоатчилиги орасида тушунмовчиликка олиб келувчи ҳаракатларга ва провокацияларга йўл қўймасликни сўраймиз.
Шунингдек, клубларга ҳурмат сақлаган ҳолда, тарқатилаётган маълумотларни клуб мутасаддилари огоҳлигида амалга оширилиши мақсадга мувофиқ бўлишини эслатиб ўтамиз", -дейилади "Насаф" клуби расмий баёнотида.

Ўзбекистоннинг энг бой клубини биласизми?

Link :

Source : "Насаф" футбол клуби матбуот хизмати

Receive latest football news directly on your phone. Subscribe for our Telegram channel!

Rating: +28