"Насаф": Вакилларимиз ОФК семинарида иштирок этишади
06 dec 2017 12:52
News

"Насаф": Вакилларимиз ОФК семинарида иштирок этишади

Tags : ОЧЛ-2018 Насаф

Ҳар йили янги мавсум олдидан Осиё футбол конфедерацияси қароргоҳи жойлашган Куала Лумпур шаҳрида ОЧЛ ва ОФК кубогида иштирок этадиган жамоалар раҳбарлари ва мутасаддилари иштирокида ОФК элит семинари ташкил этилади.

Бу йили ушбу анжуман 6-7 декабрь кунлари ўтказилиши режалаштирилган. Ушбу семинарда иштирок этиш учун “Насаф” жамоаси делегацияси айни пайтда Малайзия пойтахтида бўлиб туришибди. Семинарда клуб вакиллари сифатида бош менеджер Ш.С.Ярулин ва клуб медиа менеджери Ю.Набиевлар иштирок этишмоқда.

Улар шунингдек бугун бўладиган ОЧЛ-2018 мусобақасига қуръа ташлаш маросимида ҳам иштирок этишади.

Семинарда ОФК мутахассислари томонидан Осиё чемпионлар лигаси мусобақасининг ўтган йилги якунлари таҳлил қилиниб, янги мавсумдаги регламентдаги ўзгаришлар ва бир қатор бошқа масалалар бўйича маърузалар қилинади.