"Насаф" Туркия қуйи дивизиони клубини мағлуб этди, бугун Украина жамоаси билан ўйин

Назорат учрашуви, Туркия қуйи лигаси вакили “Tarsus Idman Yurdu” жамоаси билан бўлиб ўтди.

Учрашувда "Насаф" 2:0 ҳисобида ғалаба қозонди. Дастлабки гол биринчи бўлимнинг 10-дақиқасида Драган Черан томонидан киритилди. Иккинчи гол 78-дақиқада ёш ҳужумчи Дилшод Хушбаков томонидан урилди.

"Насаф" сафида биринчи бўлимда майдонга тушганлар: Санжар Қувватов, Муроджон Тошматов, Умарбек Эшмуродов, Игорь Голбан, Мирғиёс Сулаймонов, Жасур Ҳасанов, Нажмиддин Нормуродов, Дилшод Саитов, Жаҳонгир Алиев, Санжар Рашидов, Драган Черан.

"Насаф" сафида иккинчи бўлимда майдонга тушганлар: Умиджон Эргашев, Шерзод Насруллаев, Илҳом Алижонов, Ғолиб Ғайбуллаев, Сардор Саъдуллаев, Ислом Кенжабоев, Акмал Мозговой, Шароф Муҳитдинов, Худоёрхон Сағдуллаев, Ислом Рашидхонов, Дилшод Хушбаков.

“Насаф” навбатдаги назорат  учрашувини бугун, 13 январь куни Украинанинг “Ворскла” клубига қарши ўтказади. Баҳс маҳаллий вақт билан соат 16:00да (Тошкент вақти 18:00) бошланади.