"Насаф" сафида яна бир янги футболчи пайдо бўлди
08 jan 2018 15:43
News

"Насаф" сафида яна бир янги футболчи пайдо бўлди

Кеча Тошкентга келган Қаршининг "Насаф" жамоаси айни пайтда Жиззахнинг "Сўғдиёна" жамоаси билан ўзаро назорат учрашуви ўтказмоқда.

Мамлакатнинг амалдаги кумуш медал соҳиблари таркибида шуғулланаётган янги ўйинчилар ҳақида имкон қадар маълумот бериб келаяпмиз. Айни шу дақиқаларда "Сўғдиёна"га қарши учрашувда "Насаф" таркибида олдинги мавсумни Бекободнинг "Металлург" клубида ўтказган Мирғиёс Сулаймонов ўнг қанот ҳимоясида майдонга тушди. Балки, тез орада клуб ушбу трансфер борасида ҳам расмий маълумот берса ажаб эмас.

Шунингдек, жамоанинг яна бир янги аъзоси Муроджон Тошматов бугун чап қанот ҳимояда ўйнамоқда, Санжар Рашидов эса ҳозирча қаршиликлар захирасида.

Эслатиб ўтамиз, эртага "Насаф" ўқув-йиғин машғулотларини давом эттириш учун Тошкентдан Туркияга жўнаб кетади. Хориж йиғини Туркиянинг Белек шаҳрида ўтказилади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +16