"Насаф" - "Қўқон-1912". Имкониятлар қандай?

"Насаф" (Қарши) - "Қўқон-1912" (Қўқон)
2 апрель 2015 йил. Қарши. "Марказий" стадиони. 18:00
Ҳакамлар: В. Коваленко (Тошкент), А. Расулов (Тошкент), Ж. Саидов (Тошкент), Р. Лутфулин (Тошкент)
Назоратчи: С. Эрматов (Тошкент).
Имкониятлар: 55/45

Артур Геворкян жароҳатидан қанчалик тузалиб кетгани ҳали маълум эмас. Ундан ташқари "Насаф"нинг бир йўла уч нафар асосий таркиб футболчилари - Муҳаммадиев, Сайфиев ва Суюнов олис узоқ парвозларни амалга оширган ҳолда клуб ихтиёрига кеч етиб келишди. Катта эҳтимол билан бу футболчиларни майдонда тўлиқ ҳаракат қилиши сўроқ остида. Бу эса, "Қўқон-1912" жамоасига сал бўлсада умид бағишлайди. Шунга қарамай Бердиевда яхши жамоа шакилланган ва бугунги "Насаф"ни бир футболчига қараб қолмаганини кўряпмиз. Нима бўлган тақдирда ҳам бугун "Насаф"га осон бўлмайди, бу ерда олий лига, кўп ўтмай ОЧЛга тайёргарлик. Рақиб ҳам чакки жамоа эмас. Айни пайтда "Насаф" ўзбек клублари ичида кейинги босқичга чиқиш учун энг яхши имкониятга эга бўлиб турган жамоа эканлигини инобатга олсак, бугун "Қўқон-1912" ақилли футбол намойиш этса ҳеч йўғи дуранг билан ортга қайтиши мумкин.

Ҳар бир нарсани лекини бордек. "Насаф" ўз майдонида "Насаф"лигича қолади. Шуни инобатга олган ҳолда имкониятларни 55/45 "Насаф" фойдасига баҳоладик. Буни эса кўп ўтмай билиб оламиз.