"Насаф" - "Қизилқум" назорат учрашувида Кенжа Тўраев ҳам гол урди
13 oct 2013 18:19
News

"Насаф" - "Қизилқум" назорат учрашувида Кенжа Тўраев ҳам гол урди

Аввал хабар берганимиздек, бугун "Насаф” жамоаси "Марказий" стадионда Зарафшоннинг "Қизилқум" жамоаси билан назорат учрашуви ўтказди. Ушбу учрашувда "аждарлар" 3:0 ҳисобида ғалаба қозонишди.

Учрашув назорат мақомида бўлсада жуда қизиқарли курашларга бой бўлди. Учрашувдаги ҳисобни дастлаб "Насаф" жамоасининг ҳужумчиси Азамат Алланиёзов очди - 1:0. Биринчи бўлим сўнгги дақиқасида жамоа сардори Артур Геворкян меҳмонлар дарвозасини ишғол қилиб, ҳисобни 2:0га етказиб қўйди.

Иккинчи бўлим ҳам муросасиз курашлар билан бошланди. Мезбонларнинг навбатдаги ҳужумининг бирида "Насаф" мухлисларининг аллақачон ёқимтойига айланган ва ўзининг чиройли ўйинлари билан анча соғинтириб қўйган ҳужумчи Кенжа Тўраев дарвозага чамаси 7-8 метрлар ўткир бурчакдан зарба йўллади ва ўз жамоасининг учинчи голига муаллифлик қилди - 3:0. Кенжа Тўраев иккинчи бўлимда майдонга тушган эди. Назорат учрашуви ана шу ҳисобда "Насаф" жамоасининг ғалабаси билан якунланди.

Назорат учрашуви.
13 октябрь 2013 йил. "Марказий" стадион. Қарши шаҳри
"Насаф" (Қарши) - "Қизилқум" 3:0 (2:0)
Голлар: Азамат Алланиёзов 20- 1:0, Артур Геворкян 45-2:0, Кенжа Тўраев 78-3:0

Ушбу хабарни тайёрлашда "Насаф" ПФК расмий твиттери саҳифасидан фойдаланилди.

Link :

Source : voha.uz

Receive latest football news directly on your phone. Subscribe for our Telegram channel!

Rating: