"Насаф" қишки йиғинни бошлади

"Насаф" футболчилари клуб қароргоҳида тўпланишди ва янги мавсумга илк тайёргарлик босқичини бошлашди. Футболчиларимиз бугун тренажёр залида шуғулланиш билан чекланишди.
Йиғинга аста-секин барча футболчилар етиб келишмоқда.
Эркин Байдуллаев, Артур Геворкян, Илҳом Шомуродов, Мақсуд Каримов, Шерзод Аъзамов сингари футболчиларимиз тез орада йиғинга қўшилишади. шунингдек, Рўзиқул Бердиев йиғинга ёшлар жамоамиз ва "Насаф" академиясидаги бир қатор ёш футболчиларни ҳам жалб этган ва уларни ҳам синовдан ўтказмоқда.
Жамоамиз янги мавсумга тайёргарликни клуб қароргоҳида давом эттиради. Машғулотлар кунига икки маҳалдан ўтказилади.