"Насаф" ўз футболчиси билан хайрлашганини эълон қилди
02 jun 13:23
News

"Насаф" ўз футболчиси билан хайрлашганини эълон қилди

Қаршининг "Насаф" клуби ярим ҳимоячиси Ислом Кенжабоев жамоани тарк этди.

"Насаф" ПФК икки томоннинг келишувига кўра Ислом Кенжабоев билан шартномани бекор қилинганини эълон қилади.

Исломга клуб учун қилган меҳнатларига миннатдорлик билдириб, келгуси фаолиятида омад тилаймиз! Барчаси учун раҳмат, Кенжабоев!", - деб ёзади "Насаф" матбуот хизмати.

Маълумот учун, Кенжабоев ўтган мавсум оғир жароҳат олган ва узоқ муддат даволанганди. Бу мавсум Ислом Суперлигада 3 та учрашувда майдонга тушди ва жами 22 дақиқа ҳаракат қилди холос.