"Насаф": Мурзоев ва Саломов собиқ жамоасига қарши...
07 aug 2015 17:17
News

"Насаф": Мурзоев ва Саломов собиқ жамоасига қарши...

“Насаф”нинг олий лига 17-туридаги рақиби “Олмалиқ” жамоаси футболчилари айни пайтда Қарши шаҳрига етиб келишган ва шаҳар марказидаги “Насаф-травел” меҳмонхонасидан қўним топишган.

Бугун соат 19:00 да Игорь Шквирин жамоаси “Марказий” стадионда ўйинолди машғулотларини ўтказишади.

Жамоанинг икки нафар аъзоси дисквалификация туфайли майдонга туша олмаслиги ҳақида хабар бергандик. Эътиборли томони, айни пайтда Шквирин жамоаси сафида тўп тепаётган икки нафар футболчи эртага собиқ жамоаси – “Насаф”га қарши майдонга тушиши мумкин. Бекободлик ҳужумчи Камолиддин Мурзоев (2009-2010) ва бухоролик Шавкат Саломов (2010) айнан “Насаф”да Виктор Кумиков ва Анатолий Демяненко мураббийлиги пайтда тўп тепишган. 2009 йилги мавсумда Олмалиқда кечган баҳсда (“Олмалиқ” – “Насаф” 0:2) Камолиддин Мурзоев “Насаф” таркибида “Олмалиқ” дарвозасига гол ҳам уришга эришган.