"Насаф" мураббийи Шуҳрат Тошпўлатов: "Бугун муҳими натижа эди"
29 may 2023 00:27
News

"Насаф" мураббийи Шуҳрат Тошпўлатов: "Бугун муҳими натижа эди"

Coca-Cola Суперлигасининг 12-туридан ўрин олган "Сўғдиёна" - "Насаф" (1:2) учрашувидан сўнг меҳмонлар мураббийи Шуҳрат Тошпўлатов матбуот анжуманида иштирок этди.

Ўйин ҳақида

- Ўйин биз кутганчалик бошланмади. "Сўғдиёна" жамоаси кетма-кет ғалабалардан сўнг яхши кайфиятда эканини билардик. Бугун қийин ўйин ўтказдик. Жиззахликлар ҳам жуда яхши ҳаракат қилишди.

Тезкор гол йигитларнинг руҳиятига жиддий таъсир ўтказмади. Йигитлар яхши ўйин намойиш этиб, керакли натижани қайд эта олишди. Биз учун муҳими натижа эди ва якунда ғалабага эришдик. Шу фурсатдан фойдаланиб барча "Насаф" мухлисларини ғалаба билан табриклайман.