"Насаф": Журналистлар диққатига!
01 mar 2016 07:48
News

"Насаф": Журналистлар диққатига!

Tags : Насаф

Осиё чемпионлар лигаси иккинчи тур доирасидаги “Насаф” – “Ал-Аҳли” (Саудия Арабистони) учрашуви олдидан матбуот анжумани бўлиб ўтади.

Соат 11:00да бошланадиган матбуот анжуманининг дастлабки қисмида “Ал-Аҳли” жамоасининг бош мураббийи Кристиан Гросс, иккинчи қисмида “Насаф” жамоасининг бош мураббийи Рўзиқул Бердиев журналистлар саволларига жавоб беришади.

Матбуот анжумани “Марказий” стадионнинг анжуманлар залида бўлиб ўтади.

Шунингдек анжуман бошланиши олдидан “Насаф” профессионал футбол клубига аккредитациядан ўтиш учун ариза топширган ОАВларига аккредитация карточкалари ҳам тарқатилади.

Матбуот анжумани ниҳоясига етгач “Марказий” стадионда “Насаф” жамоасининг ўйинолди расмий машғулоти бошланади. ОАВ вакиллари машғулотнинг дастлабки ўн беш дақиқасида машғулот жараёнини кузатиш имконига эга бўлишади.

“Ал-Аҳли” жамоасининг ўйинолди расмий машғулоти “Марказий” стадионда соат 18:00да бошланади.

Барча ОАВ вакилларини матбуот анжуманига таклиф этамиз.

Link :

Source : fcnasaf.uz

Receive latest football news directly on your phone. Subscribe for our Telegram channel!

Rating: