"Насаф" футболчилари меҳрибонлик уйига ташриф буюришди
01 jun 2018 11:50
News

"Насаф" футболчилари меҳрибонлик уйига ташриф буюришди

Бугун юртимизда 1 июнь Халқаро болаларни ҳимоя қилиш куни кенг нишонланмоқда.

Болалар бизнинг келажагимиз. Уларни хурсанд қилиш, биз катталарнинг бурчимиздир.

“Насаф” ПФК бу байрамга бағишланган қатор тадбирларни режалаштирган ва тадбирлар давом этмоқда.

Бугун "Насаф" бош мураббийи, футболчилар, мухлислар клуби фаоллари, ходимлар Қарши шаҳридаги вилоят соғлиқни сақлаш бошқармаси қошидаги “Мурувват” ногирон болалар интернат мактабига ташриф буришди. Болалар билан суҳбатлар ташкил этилди. Уларга клуб номидан совғалар топширилди.

Бу ташрифдан интернат тарбияланувчилари жуда хурсанд бўлишди ва ўз ташаккурларини изҳор этишди.