"Насаф" етакчисига нима бўлди?
16 may 18:28
News

"Насаф" етакчисига нима бўлди?

Хабарингиз бор, 13 май куни Ўзбекистон кубогининг гуруҳ босқич 3-тури доирасида "Пахтакор" жамоаси "Насаф"ни 6:3 ҳисобида мағлуб этган эди.

Ана шу учрашувда қаршиликлар сафида жамоа етакчиларидан бири Шерзод Насруллаев қайдномадан ҳам ўрин олмаган эди.

Ўзбекистон миллий терма жамоасини олдинда муҳим ўйинлар кутиб турган бир пайтда МТЖ аъзоси қайдномадан ўрин олмагани кўпчиликда ҳавотир уйғотгандир. Шу сабаб "Championat.asia" сайти Насруллаевнинг аҳволи билан қизиқди. Бизга маълум бўлишича, чап қанот ҳимоячисининг тана ҳарорати 40 даражагача чиқиб кетган ва шу сабаб "Пахтакор" билан ўйинни ўтказиб юборган. Шерзод айни пайтда ўз уйида даволанмоқда. Футболчи катта эҳтимол билан терма жамоа ўйинларига қадар сафга қайтади.

Эслатиб ўтамиз, Ўзбекистон миллий терма жамоасини олдинда ЖЧ-2026 саралаши доирасидаги БАА (5 июнь) ҳамда Қатар (10 июнь)га қарши учрашувлар кутиб турибди.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +7