"Насаф": Драган Черан ўйинларига бир назар

Келинг,  Драган Чераннинг ўтказган ўйинларига бир назар ташлайлик.

Драган шу пайтгача жамоа сафида чемпионат доирасидаги учрашувларда 11 марта майдонга тушди. Ўзбекистон Кубоги баҳсларида эса 3 марта.

Чемпионат доирасидаги 11 учрашувда 10та гол киритди. Шулардан биттаси пенальтидан.

Кубок баҳсларида эса 3 учрашувда 1та гол киритди. Драган Черан жамоанинг 10та голига ҳаммуаллифлик ҳам қилди. У жамоанинг сўнгги ўтказган кетма-кет икки учрашувида майдонни голсиз тарк этмаяпти.

Драган жамоа сафидаги ўтказган 14 учрашувида 3 марта огоҳлантириш олди. У жами 996 дақиқа майдонда ҳаракат қилди, шундан 792 дақиқаси чемпион баҳсларига тегишлидир.

Эсингизда бўлса, у дастлаб жамоа таркибида Ўзбекистон Кубогининг чорак финалининг “Насаф” – “Андижон” 2:1 жавоб учрашувида майдонга тушган эди.

Миллий чемпионат доирасидаги унинг биринчи расмий учрашуви эса “Шўртан” – “Насаф” 0:3 учрашуви саналади. Ушбу учрашувда у ўзининг дастлабки голини 69-дақиқада киритган эди.

Табиатан мулойим ва ҳазилкаш футболчи жамоа учрашувларида фаол ва тажаввузкор ўйин кўрсатиб, рақиб ҳимоячилари ҳамда дарвозабонларини доим таҳликага солиб келмоқда.