"Насаф" - "Бунёдкор" учрашувига келмоқчи бўлган мухлислар диққатига

Ушбу ўйинни томоша қилиш қилиш учун “Марказий”га стадионига кириш одатдагидан бошқачароқ бўлади.

Ўзингизга маълум, айни кунларда стадион ёнидаги Қарши олимпия захиралар коллежида давлат тест синовлари бўлиб ўтмоқда. Тест синовлари ўтказилиши муносабати билан стадион жойлашган шоҳ кўчада транспорт ва фуқароларнинг ҳаракатланиши тўхтатилган.

Шу муносабат билан стадионга мухлисларнинг кириши фақат Навоий кўчаси томонидан, академик лицей ва Қарши шаҳар ички ишлар бўлими ўртасидаги кўчадан кирилади. Ўйин тугагандан сўнг ҳам чиқиш шу жойдан ташкил этилади. Юзага келган ноқулайликлар учун "Насаф" клуби узр сўрайди.

Шунингдек, “Насаф” – “Бунёдкор” ўйинига кириш ҳамма учун текин эканлигини эслатиб ўтилади.