"Насаф" - "Ал Аҳли" (БАА). Бош ҳакам ҳақида

Ушбу баҳсни жанубий кореялик ҳакамлар бригадаси бошқариб боришади. Бош ҳакам - Ким Жонг Хёк. 1983 йилда туғилган бу ҳакам халқаро фаолиятини 2009 йилда бошлаган. Умуман олганда бу ҳакам жамоаларимиз иштирокидаги жами 5та ўйинда ишлаган.

Ким Жонг Хёк бошқарган ўйинлар ҳақида маълумотлар:
Ўтган йил Уммонда бўлиб ўтган Осиё U-22 чемпионатида Ўзбекистон Хитойни 2:1 ҳисобида мағлуб этганди. Осиё Кубоги-2015 саралашида миллий терма жамоамиз сафарда Вьетнамни йирик ҳисобда таслим қилган - 3:0.

2013 йилги ОЧЛ илк турида "Пахтакор" Тошкентда Саудия Арабистонининг "Ал Иттифоқ" клубини қабул қилиб ғалабага эришган - 1:0. Осиё чемпионлар лигаси 3-турида “шерлар” ўз майдонларида БААнинг “Ал Айн” клубини қабул қилиб 0:1 ҳисобида мағлуб бўлишди.

Бу йилги Осиё чемпионлар лигасининг 1-туридан ўрин олган “Ал Ҳилол” – “Локомотив” учрашувида айнан шу рефери фаолият олиб борди. Бу ўйинда “темирйўлчилар” 1:3 ҳисобида ютқазиб қўйишди.

ОЧЛ. 4-тур. "D" гуруҳи
“НАСАФ” – “АЛ АҲЛИ” (БАА)
7 апрель 2015. Қарши. “Марказий” стадиони. 19:00
Бош ҳакам: Ким Жонг Хёк (Ж.Корея)
Қанот ҳаками 1: Жеонг Хае Санг (Ж.Корея)
Қанот ҳаками 2: Юн Кванг Йеол (Ж.Корея)
Захира ҳаками: Алонгкорн Феемучанг (Таиланд)
Ҳакамлар эксперти: Умар Абу Лум (С.Арабистони)
Учрашув комиссари: Др. Лин Веигуо (Хитой)