Latest news

22:11Габриэль Агбонлахор: "Ямал мени қўрқитмоқда"  0 21:57Ямалнинг ёшида Месси ва Роналдунинг статистикаси қандай эди?  6 21:35"Реал" Модрич ва Васкес билан шартномани узайтиради, аммо жуда қисқа муддатга  2 21:32Илёс Зейтуллаев "Ювентус"нинг ўрнига қаерга бориши мумкин бўлганини айтиб берди  4 21:15УЕФА ЕЧЛ ҳафта рамзий терма жаомасини эълон қилди  6 20:50Милитао жароҳатидан сўнг сафга қайтишга яқин  1 20:29Усмон Дембеле Goal талқинига кўра "Олтин тўп"га энг асосий номзод  5 20:05МЮ ва "Ювентус" бразилиялик хавбекка қизиқмоқда  0 19:40Зоммер: "Агар ақлли ўйнасак, "Барселона" билан ўйинда имконият бўлишини билардик"  2 19:14Яйпанда янги жамоа ташкил қилинди  25 18:48Ламин Ямаль: "Жавоб ўйинида боримизни берамиз"  12 18:22Хаби Алонсонинг ўрнини ким эгаллайди? "Байер" Фабрегас ва тен Ҳаг номзодларини кўриб чиқмоқда  7 17:51​"Барселона" футболчиси 3 ҳафтага сафдан чиқди  6 17:22"Рома"да апрель ойининг энг яхши футболчиси аниқланмоқда: Элдор Шомуродов даъвогарлар қаторида  25 16:56Ҳаммаси жиддий: Рюдигер жароҳати туфайли фаолиятини якунлаши мумкин  8

“Насаф” “Аҳли” синови қаршисида News

“Насаф” “Аҳли” синови қаршисида

Жидда шаҳрининг “Ал Иттиҳод” жамоаси бизга жуда яхши таниш. Клубларимиз мазкур жамоа билан кўп марта тўқнаш келишган.
“Ал Аҳли” эса яқин йилларда вакилларимизга қарши майдонга тушмаганди. Демак, Саудия Арабистонининг яна бир жамоаси билан беллашувда клубимизнинг имкониятига баҳо беришимиз мумкин бўлади.



“АЛ АҲЛИ” ФУТБОЛ КЛУБИ
Лақаби:
“Совринлар қасри”, “миллат вакили”
Ташкил этилган йили: 1937 йил
Стадиони: “Қирол Абдуллоҳ спортс сити”, 62 минг мухлисга мўлжалланган
Бошқарувчиси: Фаҳад бин Холид
Бош мураббийи: Кристиан Гросс (Швейцария)
Совринлари: Саудия чемпиони (1978, 1984), Валиаҳд Шаҳзода Кубоги соҳиби (1957, 1970, 1998, 2002, 2007, 2015), Қирол Кубоги ғолиби (1962, 1965, 1969, 1970, 1971, 1972, 1977, 1978, 1979, 1983), Чемпионлар Қирол Кубоги соҳиби (2011, 2012), Федерация Кубоги ғолиби (2001, 2002, 2007, 2012, 2013).

“Ал Аҳли” Жидданинг ўзида ҳам совринларни қўлга киритиш борасида “Ал Иттиҳод”дан ортда қолиб кетган. Лекин ушбу клуб Саудиядаги дастлабки ва катта тарихга эга жамоалардан бири ҳисобланади. 1984 йилдан буён ички чемпионатда ғалаба қозона олмаётган бўлишига қарамай, мамлакатнинг етакчи клубларидан бири бўлиб турибди. Ҳозирда “Аҳли” турнир жадвалида 2-ўринни эгаллаб, пешқадам “Ал Наср”дан ортда қолмоқда.

2012 йил жамоа ОЧЛда финалгача етиб борган ва ҳал қилувчи беллашувда имкониятни бой бериб қўйганди. Ўтган мавсумда жиддаликларнинг юриши чорак финалда тўхтатилган. Жорий мавсумда Кристиан Гросс бошчилигидаги клуб Валиаҳд Шаҳзода Кубогида ғолиб чиқишга улгурди.

Жидда шаҳрида янги қурилган “Қирол Абдуллоҳ спортс сити” стадиони ишга туширилгач, “Аҳли”нинг уй ўйинларини стадиондан кузатиб борадиган мухлислар сони кескин ортди. Айни пайтда ўртача 35-40 минг нафар ишқибоз ҳар бир баҳсга ташриф буюрмоқда. Чемпионатдаги марказий учрашувларга эса 60 мингдан зиёд ишқибозлар келиши одатга айланди. Бу тарафдан “Аҳли”га ҳавас қилмасдан бошқа илож йўқ.

Бош мураббий лавозимида швейцариялик Кристиан Гросс ишлаб келмоқда. У “Базел”даги узоқ муддатли фаолияти билан кўпчиликка яхши таниш. Жамоа билан бирга ЕЧЛда эсда қоларли ғалабаларни нишонлаган. Гросс бошчилигида “Базель” катта ўсишга эришди. У “Ал Аҳли”да ўтган йилдан бери ишлаб келяпти. Ҳозирча битта кубокда муваффақият қозонишга улгурди.



Кристиан ГРОСС
Туғилган санаси:
14.08.1954
Туғилган жойи: Цюрих, Швейцария
Футболчиликдаги амплуаси: ҳимоячи
Ўйнаган жамоалари: 1973–1975 “Грасхопперс”, 1975–1978 “Лозанна”, 1978–1980 “Ксамакс”, 1980–1982 “Бохум”, 1982–1985 “Санкт Галлен”, 1985–1988 “Лугано”.
Бошқарган жамоалари: 1988–1993 “Вил”, 1993–1997 “Грасхопперс”, 1997–1998 “Тоттенхэм”, 1999–2009 “Базель”, 2009–2010 “Штутгарт”, 2011–2012 “Янг Бойз”, 2014 йилдан “Ал Аҳли”да.
Совринлари (мураббий сифатида): Швейцария Кубоги ғолиби (2001–02, 2002–03, 2006–07, 2007–08), Швейцария чемпиони (2001–02, 2003–04, 2004–05, 2007–08).

Жамоа таркибида миллий терма жамоага номзод 4-5 нафар футболчи мавжуд. Легионерлар эса Бразилия, Миср ва Суриядан таклиф этилган. Освальдо, Бруно Сезар ва Омар Сома асосан ҳужум чизиғида ҳаракат қилади. Сома жамоа сафида 20 учрашувда шунча тўп киритди. Освальдо ва Сезар ҳам бир-бирларини жуда яхши тушуниб ҳаракат қилишади. Мисрлик ҳимоячи Муҳаммад Абдушафи эса Миср терма жамоаси таркибида Африка Кубогида ғалаба қозонган ва асосий футболчилардан бири ҳисобланади.



Дарвозабонлар
1. Ёсир Мусайлим
22. Абдуллоҳ Муаиф
44. Аҳмад Реҳаили

Ҳимоячилар
3. Осама Ҳавсави
6. Муҳаммад Фатил
13. Муҳаммад Абдулшафи (Миср)
21. Оқил Балғайт
23. Комил Алмуса
25. Мотаз Ҳавсави
26. Муҳаммад Аман
32. Мажид Асири
77. Амир Курди

Ярим ҳимоячилар
4. Волид Баҳшвн
7. Аҳмад Алуфи
8. Тайсир Жассим
11. Ҳуссайн Моқаҳви
18. Абдуллоҳ Мутайри
19. Бруно Сезар (Бразилия)
24. Салман Мувашар
29. Закариа Сами
40. Раёд Ғамди
47. Мустафо Бассас

Ҳужумчилар
9. Омар Сома (Сурия)
14. Муҳаммад Асири
15. Салоҳ Амри
17. Освальдо (Бразилия)


Беҳзод НАЗАРОВ.
Rating:    

Comments

championat.asia
< show latest news
Яндекс.Метрика