"Наполи" Хвичанинг маошини икки бараварга оширишга ва Осимхен билан янги битим тузишга тайёр

Нигериялик форвард 17та ўйинда 16та гол уриб, А Серия тўпурарлари жадвалида етакчилик қилмоқда. Грузиялик вингер 17та баҳсда 8та гол урди ва 9та голли пас берди. У айни дамда чемпионатнинг энг яхши ассистенти, "гол+пас" тизимида эса Хвича 17 балл билан фақатгина Осимхендан (19) орқада.

Осимхеннинг шартномаси 2025 йилда якунига етади, Кварацхелияники эса 2027 йилда. Иккала футболчига АПЛ клублари қизиқиш билдирмоқда, бироқ улар Неапол жамоасидаги ҳолатидан мамнун ва келаси мавсум ҳам клубда қолишмочқи.

Клуб Осимхен билан шартномани камида бир йилга узайтирмоқчи. Унинг йиллик маоши бонуслар билан бирга 4,5 млн. еврогача етиши мумкин.

Грузиялик футболчига келадиган бўлсак, "Наполи" унинг маошини икки бараварга ошириб, 2,5 млн. еврога етказмоқчи.