“Наполи” ва “Рома” “Милан” футболчиси учун курашади

Қайд этилишича, ПСВ клуби 27 ёшли Рикардо Родригес билан ижара шартномасидан сўнг хайрлашади. Нидерландия клуби футболчини “Милан”дан 18 млн еврога сотиб олмасликка қарор қилган. Томонлар келишувида ижара шартномасидан сўнг ПСВ футболчини 18 млн еврога сотиб олиши мумкинлиги борасида банд бўлган. Бироқ ПСВ молиявий инқироз сабаб бундай қила олмаслигини маълум қилган. Родригес энди “Милан” ихтиёрига қайтади. 

Унинг хизматларига эса “Наполи” ва “Рома”дан қизиқиш бор. Римликлар футболчини кейинчалик сотиб олиш шарти билан ижарага олишни хоҳламоқда.