"Наполи" спорт директори Кварацхелиянинг агенти билан учрашди
31 oct 2024 16:36
News

"Наполи" спорт директори Кварацхелиянинг агенти билан учрашди

"Наполи" жамоа етакчиси Хвича Кварацхелиянинг шартномасини узайтириш борасида иш олиб бормоқда.

Амалдаги шартнома 2027 йилнинг ёзигача мўлжалланган.

Маълумотларга қараганда, клуб спорт директори Жованни Манна футболчининг агенти Мамука Жугели билан учрашган. Неаполликлар йилига 5 миллион евро маош таклиф қилмоқда ва у ошиб боради, лекин 8 млн.дан ортмайди.

Футболчи вакиллари эса маош биринчи йил 5 млн бўлиб, учинчи-тўртинчи мавсумдан 8-9 млнгача ортишини исташмоқда.

Бироқ музокаралардаги асосий муаммо товон пулида бўлиб, грузияликнинг агенти уни 80 млн евро қилиб белгилаб, 2022 йилда футболчини Неаполга бор йўғи 9 млн + бонуслар эвазига олиб келгани учун агентга ҳам кейинги сотувдан фоиз берилишини сўрашмоқда.

Link :

Source : sport.sky.it

Receive latest football news directly on your phone. Subscribe for our Telegram channel!

Rating: