“Наполи” президенти: “Инсиньени 200 миллион еврога сотилади”
12 sep 2018 01:35
News

“Наполи” президенти: “Инсиньени 200 миллион еврога сотилади”

“Наполи” президенти Аурелио Де Лаурентис жамоаси ҳужумчиси Лоренсо Инсиньенинг трансфер суммаси ҳақида гапирди.

“Унинг шартномасида рамзий маънода товон пули белгиланган. Биз Райоло билан келишиб олдик: агар клубга 200 миллион евролик таклиф тушса, ушанда ҳужумчи билан хайрлашишимиз мумкин. Бу расмий эмас, оғзаки келишув. 200 миллион евро, тушунарли а?” дея Де Лаурентиснинг сўзларидан иқтибос келтирмоқда Corrierre dello Sport.

“Наполи” клуби тарбияланувчиси ҳисобланган Инсинье 2009 йилда жамоа таркибида дебют учрашувини ўтказган. Жорий мавсумда 27 ёшли ҳужумчи Италия А сериясида учта учрашувда майдонга тушиб, битта гол уришга эришди. Ўтган йилги кумуш медал соҳиби “Наполи” футболчилари айни пайтда олти очко билан А серия турнир жадвалида бешинчи поғонани банд этишган.

Link :

Source : Corrierre dello Sport

Receive latest football news directly on your phone. Subscribe for our Telegram channel!

Rating: