Наҳотки! Аргентина устози Скалони футболчи бўлган пайти Мессидан либосини сўраганини ёдга олди

"Мен "Мальорка"да ўйнаб юрган пайтларим Мессига қарши ўйнаганман. Бир гал ўйиндан олдин унга шундай дедим: "Эй аргентиналик йигит, ўйин якунланганидан кейин либосингни менга бер". У табассум қилди ва "Салом, албатта сенга либосимни бераман", - деди. Учрашув якунланди, мен эса Мессига қарадим ва уни ёнида менинг жамоадошим Вебо турарди. Месси эса Вебога мени кўрсатди, Вебо кетди. Месси либосини менга берди ва унга "Футболкангни менга қолдирганинг учун раҳмат", - дедим.

У эса "Дўстинг ҳам мендан сўради, лекин унга сен биринчи бўлиб сўраганингни айтдим", - деди. Мен кийиниш хонамизга кирдим ва қўлида Мессининг либосини ушлаб турган Вебони кўриб ҳайрон қолдим. Ундан "бу футболкани қаердан олдинг", - деб сўрадим. У эса шундай деди: "Месси менга Скалони биринчи бўлиб сўради, лекин кийиниш хонасига кирсанг сенга бошқасини бераман деб айтди". Мен уларнинг кийиниш хонасига бордим, Лео эса либосини ушлаб мени кутиб турган экан.

Месси ёшлигидан камтар ўйинчи бўлган ва айнан шу жиҳат уни дунёнинг энг зўрларидан бирига айлантирган".