Нагельсманн: "Бу "Бавария"нинг сўнгги ойлардаги энг яхши ўйини"
13 apr 2022 04:04
News

Нагельсманн: "Бу "Бавария"нинг сўнгги ойлардаги энг яхши ўйини"

ЕЧЛ чорак финали доирасида "Бавария" Испаниянинг "Вильярреал" жамоаси билан куч синашди.

"Бавария" бош мураббийи Юлиан Нагельсманн ўйин ҳақида фикрлари билан ўртоқлашди.
Мюнхенликлар икки ўйин натижасига кўра (0:1, 1:1) кейинги босқичга чиқа олишмади.

"Ҳаммасини биринчи ўйин ҳал қилди. Ана ўшанда биз бу баҳсни бой бергандик.
Биринчи ўйинда биз у қадар яхши ҳаракат қила олмагандик. Бугун эса яхши футбол намойиш қилдик. Тактика ва жисмоний ҳолат бўйича олсак, охирги ойлардаги энг яхши ўйинларимиздан бири бўлди.
Биринчи бўлимда Мусиала қулай имкониятга эга бўлди. Иккинчи таймда эса Мюллер ҳисобни 2:0 қилиши керак эди. Бундай қулай имкониятлар кўп бўлмайди.
Рақиб чуқур ҳимояланди ва ўта тартибли ўйнади. Ўз вазиятини кутиб, улар олдинга ташланганида биз ҳимояда тушунарсиз ҳаракат қилдик", – деди Нагельсманн.

Link :

Source : Goal

Receive latest football news directly on your phone. Subscribe for our Telegram channel!

Rating: +5