МЮ собиқ аъзоси клубнинг техник директорига айланди

Унга кўра, клуб спорт директори этиб Жон Мёрто тайинланди. У 2013 йилдан бери клуб структурасида фаолият олиб боради. Аввалроқ эса Мёрто “Эвертон” академиясига раҳбарлик қилган эди.

Январ бошида МЮ мураббийлар штабидан жой олган Даррен Флетчер эса энди клуб техник директори сифатида фаолиятини давом эттиради.

Шунингдек, Мэтт Жаж музокаралар бўйича директор лавозимини эгаллади.

Эслатиб ўтамиз, Флетчер 2003-2015 йилларда "Манчестер Юнайтед" шарафини ҳимоя қилиб, 340 учрашув ўтказган ва 5 марта Англия чемпионати, 1 бор Европа Чемпионлар Лигасида зафар қучган.