Мюллер: "Флик бизга ниманидир тушунтиришига мажбур эмас"

Ушбу учрашувдан кейин мюнхенликлар бош мураббийи Ханс-Дитер Флик мавсум якунидан сўнг жамоадан кетиш истаги борлигини маълум қилди. Мураббийнинг мавсумдан кейин кетишига "Бавария" форварди Томас Мюллер ўз фикрларини билдирди.

"Флик нима учун бу қарорга келганини айтгани йўқ. У бизга бир ярим йил давомида қувват берди. "Бавария"да бош мураббий бўлиш учун жуда катта салоҳиятга эга бўлиш керак. Оғир дамларда у бизга ҳамроҳ бўлди. Шу боисдан у бизга нима учун кетаётганини тушунтиришга мажбур эмас", - деди Мюллер.

Ушбу мавсум якунланганидан кейин Ханс-Дитер Флик Германия термасини бошқариши кутилмоқда.