МЮ трансфер масалалари бошлиғи клуб базасига келди, Брунунинг ўтиши яқинми?!
17 jan 2020 12:08
News

МЮ трансфер масалалари бошлиғи клуб базасига келди, Брунунинг ўтиши яқинми?!

Шу кунларда Европа трансфер ойнасида энг кўп муҳокама қилинаётган ва диққат-марказда бўлиб турган мавзу Бруну Фернандешнинг МЮга ўтишидир.

Сўнгги маълумотларга кўра, клуб ва футболчи ўзаро шахсий шартнома борасида келишувга эришган. Футболчи янги жамоасида ҳафтасига қанча маош олиши ҳақида ҳам миш-мишлар тарқалиб улгурди.

"Манчестер Юнайтед"нинг трансфер масалалари бошлиғи Мэтт Жодж кеча клубнинг Каррингтондаги базасига келган. Мэттнинг базага кириб кетаётгани акс этган суратларни "The Sun" нашри чоп этди.

Жоджнинг базага келишидан мақсад Бруну Фернандеш трансферини якунлаш эканлиги тахмин қилинмоқда.

Шунингдек, Англия кубоги доирасида "Вулверхэмптон"га қарши баҳсда захирадан майдонга тушиб жароҳат олган Маркус Рэшфорд ҳам кеча базага келган. Сульшер шогирдининг "Ливерпуль"га қарши якшанба куни ўтадиган учрашувда иштирок этишига умид қилмоқда.