МЮ "Кристал Пэлас" вингери учун курашда етакчилик қилмоқда

"Манчестер Юнайтед" "Кристал Пэлас" вингери Майкл Олисе учун курашда пешқадамлик қилмоқда. Бу ҳақда ESPN хабар бермоқда.

Манбага кўра, футболчи учун товон пули миқдори 50-60 миллион еврони ташкил қилади. Ушбу банд мавсум охирида фаоллаштирилиши мумкин. Футболчига "Челси", "Арсенал" ва "Ливерпуль" ҳам қизиқиш билдирмоқда.

Олисе 2021 йилдан бери Лондон клубида ўйнаб келмоқда. 22 ёшли франциялик футболчи ушбу мавсум АПЛда 16 та ўйин ўтказиб, 7 та гол урди ва 4 та голли пас узатди.