Мухтор Қурбонов: "Қўқонликлардан бунданда кучли ўйин кутган эдим"

"Учрашувда иккала бўлим бир-бирига ўхшамади. Об-ҳавонинг ҳам ўйинга таъсири бўлди. Биринчи бўлимда палапартишлик туфайли 2та гол ўтказиб юбордик. Иккинчи бўлимда эса жамоамиз яхши ўйин кўрсатди. "Шўртан" доимо иккала бўлимда яхши ҳаракат қилса ғалабали сериялар давом этади".

- Бугун тактикангиз ҳужумкор бўлди. Чунки жамоа ушбу учрашувда 3та ҳужумчи билан ҳаракат қилди...

- Таран сўнгги учрашувларда тўп билан яхши ҳаракат қиляпти, аммо ортга қайтиши қийин бўляпти. Шу сабабли, Суҳроб Бердиевни Зафар Полвоновга яқинроқ қўйдим. Аммо афсуски адашдим ва Тараннинг ўйинга қўшилгани жамоани кучайтирди.

- "Қўқон-1912" ўйинига қандай баҳо берасиз?

- Қўқонликлардан бунданда кучли ўйин кутган эдим. Аммо об-ҳаво туфайлими ёки яна бошқа сабабларга кўра улар ўзини кўрсата олмади. Бугун стадион тўлишини кутган эдим. "Қўқон-1912" иккинчи бўлимда ҳимоявий ўйин кўрсатди. 2:0 ҳисобида ғалаба қозонаётган жамоа, қарши ҳужумларга таяниб олиши тўғри. Голлар ҳимоячиларимизнинг хатоси туфайли юзага келди.