Мустафо Байрамов: “Ҳимоядаги хатоларимиз қимматга тушди”

- Ўйинни ёмон бошламаганди. Кейинчалик эса ишларимиз юришмади. Аслини олганда йигитлар учрашувда фақат ғалаба қозонишни ният қилишганди. Ҳар бир ўйиндаги шиоримиз фақат ютуқ учун майдонга тушиш саналади. Бугунги кунда “Бунёдкор” чемпионатимизнинг етакчи жамоаларидан бири саналади. Шунга қарамай рақибга муносиб тарзда қаршилик кўрсатишга интилдик. Лекин, якунда ижобий натижани қўлга кирита олмадик. Бугунги учрашувда жароҳат ва дисквалификация туфайли икки нафар қанот ҳимоячиларимиз Обид Жўрабоев ҳамда Тоҳир Шамсиддиновнинг хизматларидан фойдалана олмадик. Айнан шу йўқотишлар ҳам ўйинда бизни зараримизга ишлади.

Ҳимояда йўл қўйган хатоларимиз қимматга тушди. Мисол учун ҳисоб 1:1 бўлиб турган вазиятда чап қанот ҳимоячимизнинг хатоси натижани ўзгаришига олиб келди. Йигитлар бугун қўлларидан келганича ижобий натижа учун интилишди. Шу сабабли уларга ортиқча эътирозлар йўқ. “Бунёдкор” кучли рақиб бўлишига қарамай рақиб дарвозаси олдида хавфли вазиятларни содир эта олдик. Пишур икки бор, Раҳматуллаев қулай имкониятлардан фойдалана олишмади. Хатолар устида ишлаб, биринчи давранинг сўнгги учрашувида ғалаба учун майдонга тушамиз, - дейди Байрамов.

"Навбаҳор" матбуот хизмати