Мусиала "Бавария" билан профессионал шартнома имзолади
05 mar 2021 17:40
News

Мусиала "Бавария" билан профессионал шартнома имзолади

"Бавария" расман ярим ҳимоячи Жамал Мусиала билан шартнома имзоланганини эълон қилди.

Битим 2026 йилга қадар мўлжалланган.

"Мен "Бавария" билан биринчи профессионал шартнома имзолаганимдан хурсандман. Менга клуб ва жамоада жуда ҳам қулай.

Мен дунёнинг энг яхши футболчилари билан ўйнаяпман ва ҳар куни машғулотларда улардан ўрганмоқдаман. Ханси Флик, Хасан Салихамижич ва Марко Неппега ишонч ва кўрсатилган имконият учун миннатдорчилик билдираман", - дейди Мусиала.

Футболчи "Бавария"нинг бош жамоасида 27та ўйинда майдонга тушиб, 4та гол уришга эришди.