Мурзоев - сентябрь ойида "Динамо"нинг энг яхши футболчиси

Кутилганидек, иккинчи даврада «Динамо» сафига қўшилиб ўз голлари билан мухлисларни хушнуд этаётган Камолиддин Мурзоев сентябрь ойининг энг яхши футболчиси деб топилди. 28 ёшли ҳужумчига 74 та овоз, яъни 54.4 % мухлис овоз берган.

Қайд этиш жоизки, Мурзоев «Динамо» учун энг омадли трансферлардан бири бўлди. Камолиддин Олий Лиганинг сўнгги еттита турида фақат «Нефтчи» билан ўйинда пенальтидан фойдалана олмаган бўлса, қолган барча ўйинларни голсиз тарк этмади. Яъни сўнгги 7 ўйинда – 6 та гол! Бу ҳар қандай ҳужумчи учун ажойиб натижадир.

19-тур: «Динамо» - «Шўртан» (3:3) – гол!

20-тур: «Локомотив» - «Динамо» (2:1) – гол!

21-тур: «Динамо» - «Навбаҳор» (2:1) – гол!

22-тур: «Металлург» - «Динамо» (4:2) – гол!

23-тур: «Динамо» - «Нефтчи» (0:1) – ноаниқ пенальти.

24-тур: «Сўғдиёна» - «Динамо» (1:2) – гол!

25-тур: «Динамо» - «Бунёдкор» (1:1) – гол!

Айнан ушбу сермаҳсуллик Камолиддин Мурзоевнинг мухлислар томонидан энг яхши футболчи дея тан олинишига сабаб бўлди.

Август ойида «энг яхши футболчи» дея тан олинган Илҳом Юнусов эса бу сафар иккинчи ўринда қайд этилди. Самарқандлик тажрибали яримҳимоячига 44 овоз (34,4%) берилган. Сўровномда мухлислар, шунингдек жамоамизнинг икки марказий ҳимоячиси Илдар Маматказин (7,4%), Артём Филипосян (4,4%) ва тобора мухлислар ишончини оқлаётган дарвозабон Муҳиддин Худоёров (1.5%)га овоз беришган.