Муртазаев ёзнинг сўнггига қадар РПЛга йўл олиши мумкин

Бу ҳақда metaratings.kz сайти хабар бермоқда.

Август ойидан бошлаб Россия чемпионатида қозоғистонлик футболчиларнинг легионер деб ҳисобланмаслиги сабаб бу имконият туғилмоқда.

26 ёшли футболчи ўтган қишда Туланинг "Арсенал" клуби билан фаол тарзда музокаралар олиб борди, аммо трансфер сўнгги лаҳзаларда амалга ошмай қолди.

Муртазаевга шунингдек Самаранинг "Крилья Советов" ва Қозоннинг "Рубин" клублари қизиқиш билдирмоқда. Россиянинг бир неча клублари Қозоғистон чемпионатининг рестартидан сўнг ҳам уни кузатишда давом этишади.

Муртазаев ҚПЛ тўхтагунига қадар 2та ўйинда майдонга тушиб, 1та гол уришга эришган эди. У шунингдек "Тобол" сафида ўқув-машғулот йиғинларида доимий равишда голлар урди.

Қозоғистон терма жамоаси футболчисининг клуб раҳбарияти билан келишуви бор. Унга кўра, РПЛнинг бирор-бир клубидан аниқ таклиф бўлса, у жамоани эркин агент сифатида тарк этиши мумкин. Муртазаевнинг Костанай клуби билан тузган шартномаси 2020 йилнинг сўнггига қадар мўлжалланган.

Манба: metaratings.kz